Ráku starfsfólkið sem svaf á gólfinu

Stéttarfélag áhafnarinnar segir flugliðana hafa eytt nóttinni á gólfi flugvallarins ...
Stéttarfélag áhafnarinnar segir flugliðana hafa eytt nóttinni á gólfi flugvallarins án þess að fá vott eða þurrt. Ljósmynd/SNPVAC

Sex úr áhöfn flugvélar Ryanair-flugfélagsins sem mynd var birt af sofandi á gólfi spænsks flugvallar í síðasta mánuði, hafa nú verið reknir úr starfi.

Ryanair segir myndina, sem fór víða á samfélagsmiðlum, hafa verið sviðsetta. Segir talsmaður Ryanair starfsmennina hafa verið rekna fyrir ósæmilega hegðun í starfi. Portúgalskt verkalýðsfélag, sem er fulltrúi starfsmannanna, hefur gagnrýnt flugfélagið.

Rúmlega 20 manna áhöfn Ryanair voru strandaglópar á flugvellinum á Malaga á Spáni, eftir að flugvél sem lenda átti í Porto í Portúgal var beint þangað vegna óveðurs. 

Í fyrri yfirlýsingu frá Ryanair kom fram að hótel í borginni hafi verið fullbókuð þar sem þetta var almennur frídagur á Spáni, en að engin hafi þó neyðst til að sofa á gólfinu.

Áhöfn­in hafi dvalið skamma stund í áhafn­ar­her­berg­i á flugvellinum, áður en hún var flutt yfir í VIP-setu­stofu og svo flutt til Porto næsta dag. 

Ryanair staðfesti í dag að sexmenningarnir á myndinni hefðu verið reknir og að það hefði gert eftir að fjölmiðlaumfjöllun um myndina skaðaði orðspor fyrirtækisins og „skaðaði varanlega traust í garð“ sexmenninganna.

Portúgalska stétt­ar­fé­lagið SNPVAC hefur áður sagt að áhöfn­in hafi verið látin dvelja í áhafnarher­berg­inu frá því hálft­vö um nótt­ina og til sex um morg­un­inn án lág­marks­hvíld­araðstöðu. Þá hafi áhöfn­in ekki held­ur haft aðgang að mat, drykk eða næg­um fjölda sæta, þar sem ein­göngu átta stól­ar voru í her­berg­inu.

mbl.is
Höfuðverkur, endalaus þreyta, svefnleysi
Er með til leigu OZONE lofthreinsitæki ( margir kalla þetta JÓNAR tæki ). Eyði...
Hornborð til sölu ódýrt.
Hornborð 65x65 cm. Hæð 45 cm. Vel með farið kr. 900.- Er í Garðabæ s: 8691204...
Til sölu 16" álfelgur og snjódekk
Felgurnar eru original Mitsubishi 16", gatadeiling 108x5. Dekkin eru Firestone ...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...