Myndband af bjarnarhúni sem er á leið upp snarbratta hlíð sem er bæði snæviþakin og klakabundin hefur hlotið mikið áhorf og dreifingu á samfélagsmiðlum.

Í myndbandinu sést bjarnarhúnninn renna aftur og aftur niður snarbratta hlíðina eftir að birnan er komin upp á brún.

Aldrei gefst bangsi þó upp á að klifra upp til móður sinnar, jafnvel þó hann renni verulega langa leið niður í síðasta skipti. Hann nær líka toppinum fyrir rest, þar sem birnan bíður þolinmóð eftir afkvæminu.

Hafa notendur samfélagsmiðla margir tjáð sig um tilraunir húnsins til að komast upp, sem og af hverju birnan hafi ekki farið niður á nýjan leik til að hjálpa honum. Mun fleiri eru þó reiðir stjórnanda drónans sem bar myndavélina og segja hræðslu við útbúnaðinn hafa hindrað birnuna í að hjálpa afkvæminu.

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

• Blogga um frétt