26 drepnir í fangaóeirðum

Fangelsið er í borginni Khujand, sem er önnur stærsta borg ...
Fangelsið er í borginni Khujand, sem er önnur stærsta borg landsins, og eru þar vistaðir fangar sem afplána langa dóma fyrir alvarlega glæpi. Kort/Google

24 fangar og tveir verðir voru drepnir er kom til óeirða í öryggisfangelsi í Tadsjikistan. AFP-fréttastofan hefur eftir heimildamönnum í öryggislögreglunni að hún hafi verið kölluð til eftir að til óeirða kom í fangelsinu í gær.

Fangelsið er í borginni Khujand, sem er önnur stærsta borg landsins, og eru þar vistaðir fangar sem afplána langa dóma fyrir alvarlega glæpi á borð við morð og öfgatengdar gjörðir sem m.a. tengjast aðild að vígasamtökunum Ríki íslams.

Segir heimildamaður AFP að annar tvímenninganna sem ekki létust og sem ekki tilheyrðu fangahópinum hafi verið fangavörður og hinn hafi verið hermaður.

Sex fangaverðir til viðbótar slösuðust í átökunum, sem héldu áfram í dag.

Heimildamaður sem ekki vildi láta nafns síns getið sagði óeirðirnar hafa hafist þegar fangar gripu beitta hluti úr vinnustofu í fangelsinu.

Stjórnvöld í Tadsjikistan hafa enn ekki staðfest óeirðirnar eða dauðsföll þeim tengd. Yfirvöld í nágrannaríkinu Kirgistan greindu hins vegar frá því að þau hefðu aukið eftirlit á landamærum ríkjanna í kjölfar óeirðanna.

mbl.is
INTENSIVE ICELANDIC,ENGLISH & NORWEGIAN f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA, DANSKA: I, II, III, IV, V, VI: 2018: AUTUMN/HAUST: ...
PL Crystal Line, heitustu úrin í Paris
Pierre Lannier Crystal Line dömuúrin með SWAROVSKI kristals skífu eru kjörin fer...
íbúð með sérinngangi eða sérbýli óskast.
Ábyrg og snyrtileg fjögurra manna fjölsk. óskar eftir húsnæði í Reykjavik og nág...
SUMARHÚS- GESTAHÚS- BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...