Lögreglan í Melbourne í Ástralíu rannsakar nú hnífaárás, þar sem karlmaður stakk þrjár manneskjur í miðborginni fyrr í dag og varð einni að bana, sem hryðjuverkaárás. Hann kveikti einnig í bifreið sinni.
Árásarmaðurinn er af sómölskum uppruna og hafði verið undir eftirliti leyniþjónustunnar. Þetta kemur fram í yfirlýsingu frá lögreglunni, en AFP-fréttastofan greinir frá.
Árásin átti sér stað í morgun, en lögregla skaut árásáramanninn og er hann þungt haldinn.
Lögregla sagði í yfirlýsingu að hún vissi deili á manninum og að hann hefði ferðast um með gaskúta í bíl sínum.