Mótmæltu Trump berbrjósta
Setja bókamerki
Franska lögreglan stöðvaði tvær berbrjósta konur sem reyndu að komast að bílalest Donalds Trump, forseta Bandaríkjanna, í París, höfuðborg Frakklands, í dag. Trump er staddur í borginni í tilefni af því að öld er liðin frá lokum fyrri heimsstyrjaldarinnar.
Fram kemur í frétt AFP að konurnar tilheyri femínistasamtökunum Femen og hafi viljað mótmæla forsetanum. Önnur konan komst í nokkurra metra fjarlægð frá bílalestinni eftir að hafa stokkið yfir girðingu áður en lögreglan yfirbugaði hana. Var hún með slagorð ritað á líkama sinn. Hin var handtekin af öryggisvörðum við girðinguna.
Inna Shevchenko, einn af leiðtogum Femen, sagði samtökin bera ábyrgð á mótmælunum á samfélagsmiðlinum Twitter. Sagði hún aðgerðasinna samtakanna hafa tekið á móti Trump í tvígang á leið hans til hátíðarhaldanna sem fram fara við Sigurbogann í París.
„Hvílir mikil leynd yfir þessu öllu“
Árshátíð ríkislögreglustjóra haldin í Tékklandi
„Á réttri leið en nokkuð í land ennþá“
Eyjafjarðarbraut lokað vegna alvarlegs umferðarslyss
Skar höfuðleðrið af íslenskri konu
Sex hafa greinst með listeríu