Donald Trump Bandaríkjaforseti segir að rannsókn á meintum afskiptum Rússa af forsetakosningum í Bandaríkjunum sé „þjóðarskömm“.
Ein vika er liðin síðan hann rak dómsmálaráðherra sinn og vöknuðu í framhaldinu upp spurningar um framhald rannsóknarinnar.
„Þau hafa ekki komist að neinu leynimakki og hafa hegðað sér eins og algjörir brjálæðingar. Þau öskra og hrópa að fólki, hóta því á hræðilegan hátt að svara spurningunum sínum,“ skrifaði Trump á Twitter.
„Þau eru þjóðarskömm og þeim er alveg sama hversu mörg líf (þau) eyðileggja.“ Hann bætti við að um verstu nornaveiðar í sögu Bandaríkjanna væri að ræða.
Forsetinn hefur margoft gagnrýnt rannsóknina sem Robert Mueller, sérstakur saksóknari, leiðir þar sem könnuð eru afskipti rússneskra stjórnvalda af forsetakosningunum í Bandaríkjunum árið 2016 og hvort þau hafi verið í leynimakki með þeim sem störfuðu við kosningaherferð Trump.
Þessi nýjustu ummæli forsetans eru talin hafa aukið vægi í för með sér eftir að hann réð Matthew Whitaker, sem hefur gagnrýnt rannsóknina, sem starfandi dómsmálaráðherra í stað Jeff Sessions.
Þar með hefur Whitaker, fyrrverandi starfsmannastjóri Sessions, yfirumsjón með rannsókn Mueller.
The inner workings of the Mueller investigation are a total mess. They have found no collusion and have gone absolutely nuts. They are screaming and shouting at people, horribly threatening them to come up with the answers they want. They are a disgrace to our Nation and don’t...
— Donald J. Trump (@realDonaldTrump) November 15, 2018
....care how many lives the ruin. These are Angry People, including the highly conflicted Bob Mueller, who worked for Obama for 8 years. They won’t even look at all of the bad acts and crimes on the other side. A TOTAL WITCH HUNT LIKE NO OTHER IN AMERICAN HISTORY!
— Donald J. Trump (@realDonaldTrump) November 15, 2018