Trump: Auðvelt að svara spurningum Muellers

Donald Trump Bandaríkjaforseti sagði lögfræðinga sína ekki hafa svarað spurningum ...
Donald Trump Bandaríkjaforseti sagði lögfræðinga sína ekki hafa svarað spurningum Muellers, heldur hefði hann gert það sjálfur. AFP

Donald Trump Bandaríkjaforseti sagði í dag að hann hefði „mjög auðveldlega“ svarað skriflega spurningum Robert Muellers, sérstaks saksóknara bandarísku alríkislögreglunnar FBI á meintum afskiptum Rússa af bandarísku forsetakosningunum 2016.

Sagði Trump, á fundi með fréttamönnum í Hvíta húsinu í dag, að hann hefði svarað spurningunum sjálfur. „Lögfræðingar mínir skrifa ekki svör. Ég skrifa svör. Ég var spurður fjölda spurninga. Ég svaraði þeim mjög auðveldlega,“ sagði forsetinn.

Hann tilgreindi hins vegar ekki hvenær lögfræðiteymi sitt myndi senda Mueller svörin.

„Ég er viss um að það eru gildrur í þeim, af því að þeir vilja ná fólki,“ sagði Trump og vísaði þar til þess hvort að spurningarnar gætu verið hannaðar þannig að hann gerðist sekur um meinsæri. „Maður þarf alltaf að fara varlega þegar maður svarar þeim sem eru með slæman ásetning.“

Forsetinn hefur ásamt lögfræðingum sínum átt í samningaviðræðum við teymi Muellers um það hvernig Trump svari spurningum vegna rannsóknarinnar, m.a. hvort að hann yrði látinn svara þeim í eigin persónu.

Spenna vegna rannsóknarinnar hefur aukist enn frekar frá því að Trump bolaði Jeff Sessions úr embætti dómsmálaráðherra og skipaði Matthew Whitaker starfandi dómsmálaráðherra. Með þeim gjörningi varð Whitaker, sem er dyggur stuðningsmaður forsetans, yfirmaður rannsóknarinnar í stað  aðstoðarvarnarmálaráðherrans Rod Rosenstein sem var yfir rannsókninni fram að því.

Trump fordæmdi rannsóknina, sem m.a. tekur til þess hvort að tengsl hafi verið meðal framboðs hans og rússneskra ráðamanna, enn á ný í dag og sagði hana „nornaveiðar“.

mbl.is
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Hvernig líst þér á Natalie
Vissir þú að nú er 40.000 kr afsláttur af Natalie? Klikkaðu á linkinn fyrir neð...
Uppsetning rafhleðslustöðva
Setjum upp og göngum frá öllum gerðum rafhleðslustöðva Mikil áralöng reynsla ...
til sölu volvo
Volvo XC V70 til sölu Volvo V70 station. Árg. 2000. Mjög góður bíll. Vel viðhald...