Michael Gove, ráðherra umhverfis-, byggða- og matvælamála í Bretlandi, mun ekki segja af sér embætti eftir að drög að samningi voru samþykkt af bresku ríkisstjórninni um úrsögn Breta úr ESB.

Vangaveltur hafa verið uppi um framtíð hans í embætti. Þegar hafa nokkrir ráðherra í bresku ríkisstjórninni tilkynnt um afsögn sína.

Frétt af mbl.is

Fleiri ráðherrar tilkynna afsögn

Samkvæmt heimildarmanni ætlar Gove ekki að hætta vegna þess að hann vill starfa með samstarfsfólki sínu til að „tryggja bestu niðurstöðuna fyrir landið“.

Gove er sagður hafa hafnað tilboði um að hann verði ráðherra Brexit-mála eftir að tilkynnt var um afsögn Dominic Raab.

Theresa May, forsætisráðherra Bretlands. AFP

Theresa May, forsætisráðherra Bretlands, hefur sagt að Brexit-samkomulagið sé „sannarlega besti samningurinn fyrir Bretland“.

Að sögn BBC vildi Gove ekki taka við starfi ráðherra Brexit-mála nema hann fengi að breyta drögunum sem ríkisstjórnin hefur samþykkt en May og leiðtogar ESB vilja það ekki.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt