Stingskata mögulegur sökudólgur

Stingskata varð ástralska náttúruverndarsinnanum Steve Irwin að bana árið 2006. …
Stingskata varð ástralska náttúruverndarsinnanum Steve Irwin að bana árið 2006. Nú virðist stingskata aftur hafa drepið Ástrala. Ljósmynd/AFP

Talið er að dánarorsök 42 ára gamals Ástrala sé árás stingskötu. Maðurinn fékk hjartaáfall eftir að hafa verið stunginn í neðri kvið. Þá var hann staddur á Lauderdale-strönd sem er á Tasmaníuskaga Ástralíu. BBC greinir frá þessu.

Í tilkynningu var sagt að stungan hafi hugsanlega verið af völdum sjávardýrs og þá líklega stingskötu. 

Stingskötur eru ekki taldar hættulegar jafnvel þótt stingskata hafi orðið ástralska náttúruverndarsinnanum Steve Irwin að bana árið 2006. 

Irwin var þekktur sem krókódílaveiðarinn eftir náttúrulífsþáttaseríu hans The Crocodile Hunter. Irwin lést þegar stingskata stakk hann í hjartað.  

Á Vísindavefnum segir að stingskötur séu ekki árásarhneigðar og syndi í raun oftast í burtu sé þeim ógnað. Á hala skötunnar eru eitraðir broddar eða gaddar og eru það helst flóttaviðbrögð stingskötunnar sem kunna að vera hættuleg. Þær synda yfirleitt snöggt í burtu og þá getur halinn með broddunum slegist í fólk. 

Undanfarið hefur verið mikið um hákarlaárásir í Ástralíu en lögregla Tasmaníu tók það sérstaklega fram að atvikið á Lauderdale-strönd tengdist hákörlum ekkert.

mbl.is
Fleira áhugavert
Fleira áhugavert