Vladimir Pútín, forseti Rússlands, segir að engin lausn sé í augsýn í deilum Rússa við Úkraínu „svo lengi sem núverandi stjórnvöld eru við völd“.
„Núverandi stjórnvöld í Úkraínu hafa engan áhuga á að leysa deiluna, sérstaklega með friðsamlegum hætti,“ sagði Pútín á blaðamannafundi á G20-ráðstefnunni í Argentínu sem er að ljúka.
„Svo lengi sem þeir eru við völd heldur stríðið áfram,“ bætti hann við.
Rússar hertóku þrjú úkraínsk skip skammt frá Krímskaga um síðustu helgi og hefur málið valdið miklum deilum. Herlög eru nú í gildi í Úkraínu og er rússneskum körlum meinað að fara þangað.