Fékk sprengjubrot í sig og dó
Setja bókamerki
Áttræð kona lést á sjúkrahúsi í Marseille í Frakklandi í dag eftir að hafa fengið í sig brot úr táragassprengju á laugardagskvöld þegar hækkun á eldsneytissköttum var mótmælt.
Konan bjó nálægt staðnum þar sem mótmælin fóru fram og hugðist loka gluggum í íbúð sinni til að koma í veg fyrir að táragas bærist þangað inn þegar hún fékk sprengjubrotið í sig.
Hún gekkst undir aðgerð á sjúkrahúsi en lést í dag. Þrír aðrir hafa látist síðan mótmælin hófust í Frakklandi fyrir rúmum tveimur vikum.
Innanríkisráðuneyti Frakklands segir að um 136 þúsund hafi mótmælt víða um landið í gær þar sem gulu vestunum „gilets jaunes“ er sýndur stuðningur.
Emmunael Macron, forseti Frakklands, segist horfa til lengri og vistvænni framtíðar með gjöldunum. Mótmælendur segjast hins vegar hafa brýnar þarfir vegna krappra kjara og geti ekki leyft sér að hugsa lengra en til næstu mánaðamóta.
„Á réttri leið en nokkuð í land ennþá“
Skiptir miklu meira máli en fólk grunar
Handteknir eftir myndatöku í Vesturbæjarlaug
Eyjafjarðarbraut lokað vegna alvarlegs umferðarslyss
„Umsátursástand“
Gígbarmurinn hækkað frá því í gær
Skemmtiferðaskip hætt komið nærri Viðey