Krefur Hilton-hótel um háar skaðabætur

Ekki er greint frá nafni konunnar en hún dvaldi á ...
Ekki er greint frá nafni konunnar en hún dvaldi á hóteli í Albany í New York-ríki þegar hún hafði nýlokið við lögfræðinám árið 2015. Ljósmynd/Twitter

Kona hefur lögsótt Hilton-hótelkeðjuna og fer fram á 100 milljónir dollara í skaðabætur. Hún heldur því fram að starfsmaður á Hilton-hóteli hafi tekið hana upp í laumi þegar hún var í sturtu og gert tilraun til fjárkúgunar eftir að hafa birt myndskeiðið á fjölda klámsíðna.

Ekki er greint frá nafni konunnar en hún dvaldi á Hampton Inn and Suites-hótelinu í Albany í New York-ríki þegar hún hafði nýlokið við lögfræðinám árið 2015. 

„Þegar maður kemur inn á hótelherbergi býst maður við næði og öryggi. Í mínu tilfelli var báðum þeim hlutum stolið frá mér. Þetta var ótrúlegt brot og það ætti að líta á þetta sem kynferðisbrot,“ kom fram í yfirlýsingu konunnar vegna málsins.

Frétti af upptökunni í september

Hún vissi ekki af upptökunni fyrr en í september þegar myndskeiðið var birt á klámsíðu með fullu nafni hennar. Henni fóru þá að berast tölvupóstar frá ónefndum aðila sem fór fram á fleiri myndir af henni, samkvæmt lögsókninni.

Þar kemur einnig fram að sá aðili vissi hvar hún stundaði nám og hvar hún vann.

Þegar hún svaraði ekki hótununum var myndskeiðinu dreif á fleiri klámsíður. Viku eftir það var myndskeiðið sent til vina hennar, samstarfsfélaga og fyrrverandi skólafélaga.

Ónefndi aðilinn fór fram á 2.000 dollara strax og 1.000 dollara á mánuði í ár til að stöðva birtingu myndskeiðsins. Konan varð ekki við kröfunum og segir að myndskeiðinu sé reglulega dreift á klámsíður þar sem sjáist fullt nafn hennar.

Telur að starfsmaður hótelsins hafi hótað henni

Konan lögsækir eiganda hótelsins í Albany og auk þess alla Hilton-hótelkeðjuna. Hún telur að sá sem sendi henni tölvupóstinn hafi verið starfsmaður á hótelinu sem hafi nálgast upplýsingar um hana eftir að hún dvaldi þar fyrir þremur árum.

Talsmaður hótelkeðjunnar sagði að þar hefðu menn fyrst frétt af ásökunum konunnar í byrjun vikunnar. Þar sé vellíðan gesta lykilatriði og það sem komi fram í málinu sé átakanlegt.

Fram kemur í máli konunnar að hún hafi frétt af fleirum sem hafi verið myndaðir í sama herbergi og hafi komist að upptökunum á svipaðan hátt og hún.

Í yfirlýsingu frá hótelinu í Albany kemur fram að hótelstjórinn sé í áfalli vegna ásakananna og ítrekar að öryggi gesta sé lykilatriði á hótelinu. Ekkert hafi komið fram sem styðji mál konunnar og við yfirferð hafi enginn upptökubúnaður fundist á herberginu.

Frétt CNN.

mbl.is
Íbúð til langtímaleigu.
50m2 íbúð við Hlemm til leigu, hentar einstaklingi eða pari. Leiga 200.000, leig...
JEMA Bílalyftur í bílskúrinn
Frábærar skæralyftur sem henta í bílskúrinn,lyfta 1,2 m og 2,8T, glussadrifnar...
STIGAR OG HANDRIÐ ALLAR MÖGULEGAR GERÐIR
Mælum, teiknum, smíðum og setjum upp, myndir á Facebook: Magnus Elias>Mex byggin...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...