Dóttir stofnanda Huawei handtekin í Kanada

Merki Huawei.
Merki Huawei. AFP

Dóttir stofnanda kínverska símafyrirtækisins Huawei var handtekin í Kanada 1. desember og verður væntanlega framseld til Bandaríkjanna.

Meng Wanzhou, sem er fjármálastjóri Huawei og varaformaður stjórnar fyrirtækisins, var handtekin í Vancouver en ekki hefur verið gefið upp hvers vegna. Bandarísk yfirvöld hafa rannsakað Huawei undanfarið vegna mögulegra brota á viðskiptabanni gegn Íran.

Samkvæmt BBC hefur sendiráð Kína í Kanada mótmælt handtökunni og krafist þess að hún verði látin laus. Stjórnendur Huawei segjast hafa litlar upplýsingar um handtökuna og hvað Meng á að hafa gert af sér.

Dómsmálaráðuneyti Kanada hefur staðfest handtöku Meng og hvar hún fór fram. Óskað hafi verið eftir framsali hennar til Bandaríkjanna og á föstudag verði hún leidd fyrir dómara. Ekki sé hægt að upplýsa frekar um málið að beiðni Meng. 

mbl.is
Bolir o.fl.
Tískuverslunin Smart Grímsbæ/Bústaðavegi Bolir kr. 3.990 Peysa kr. 4.990 Buxur k...
Til sölu Musso Sport pallbíll árg.2004
Tilboð óskast í bílinn - gangfær en óskoðaður. Upplýsingar: 5531049 Ólafur Heið...
SUMARHÚS- GESTAHÚS- BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...