Nigel Farage, fyrrverandi leiðtogi Breska sjálfstæðisflokksins, hyggst stofna nýjan stjórnmálaflokk og bjóða fram við kosningar til Evrópuþingsins á næsta ári ef ríkisstjórn Bretlands frestar útgöngu landsins úr Evrópusambandinu.

Haft var eftir Farage á fréttavef breska dagblaðsins Daily Telegraph að hann teldi það örlög sín að berjast fyrir útgöngu Bretlands úr Evrópusambandinu og að hann ætti enn eftir að heyja sína stærstu stjórnmálabaráttu.

Farage sagði skilið við Breska sjálfstæðisflokkinn á dögunum meðal annars í kjölfar þess að núverandi leiðtogi, Gerard Batten, gerði Tommy Robinson, stofnanda þjóðernisöfgasamtakanna English Defence League, að ráðgjafa sínum.

Farage segist hafa rætt stofnun nýs flokks við fjölda áhrifamanna í viðskiptalífinu. Flokkurinn hafi ekki fengið nafn ennþá. Segist hann ennfremur ekki geta setið hjá og horft upp á útgönguna úr Evrópusambandinu fara niður í niðurfallið.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt