„Láttu þjóðina okkar vera“

Donald Trump, forseti Bandaríkjanna.
Donald Trump, forseti Bandaríkjanna. AFP

Frönsk stjórnvöld fóru fram á það í dag við Donald Trump, forseta Bandaríkjanna, að hann hætti að skipta sér af frönskum stjórnmálum eftir að forsetinn tjáði sig um mótmælin í Frakklandi á Twitter-síðu sinni og gagnrýndi loftslagssamning Sameinuðu þjóðanna.

Haft er eftir Jean-Yves Le Drian, utanríkisráðherra Frakklands, að frönsk stjórnvöld skiptu sér ekki af bandarískum innanlandsmálum og ætluðust til þess að það væri gagnkvæmt. „Ég segi þetta við Donald Trump og franski forsetinn gerir það líka: Láttu þjóðina okkar vera.“ 

Trump skrifaði tvisvar á Twitter í gær um mótmælin sem gengið hafa yfir Frakkland síðan um miðjan nóvember og kennd hafa verið við gulu vestin sem þeir sem tekið hafa þátt í þeim klæðast. Mótmælin hafa meðal annars leitt til óeirða í París, höfuðborg Frakklands. 

„Mjög sorglegur dagur og nótt í París. Kannski það sé tímabært að binda endi á þennan fáránlega og gríðarlega dýra Parísar-samning [loftslagssamninginn] og skila peningum aftur til fólksins í gegnum lægri skatta?“ skrifaði forsetinn meðal annars á Twitter.

Trump hafði áður skrifað: „Parísar-samningurinn er að virka svo vel fyrir París. Mótmæli og óeirðir um allt Frakkland.“ Bandarísk stjórnvöld ákváðu að standa fyrir utan loftslagssamninginn.

Mótmælin voru upphaflega gegn skattahækkunum á eldsneyti sem ætlað er að flýta fyrir því að Frakkar skipti yfir í minna mengandi farartæki en síðan hafa þau farið að snúast um andstöðu við stefnu og stjórnunarstíl Emmanuels Macron Frakklandsforseta.

Jean Yves Le Drian, utanríkisráðherra Frakklands.
Jean Yves Le Drian, utanríkisráðherra Frakklands. AFP
mbl.is
Eyjasol íbúðir og sumarhús.....
Fallegar 2- 3ja herb. íbúðir fyrir ferðafólk og íslendinga á faraldsfæti. Allt ...
KERRUR TIL AFGREIÐSLU SAMDÆGURS
Sterkbyggðu HULCO fjölnotakerrurnar, myndir á bland.is og á Facebook = Mex byggi...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...
* Öll stærstu á einum stað
Þú getur spilað með í yfir 50 stærstu Lottóum heimsins. Í yfir 12 ár hafa lottó...