Pashinyan kjörinn forseti Armeníu

Nikol Pashinyan, settur forseti Armeníu, fór með yfirburða sigur í þingkosningum sem fram fóru í landinu í gær. Segir BBC flokkana sem styðja hann hafa fengið rúm 70% atkvæða og Pashinyan þar með styrkt stöðu sína.

Pashinyan, sem var blaðamaður áður en hann sneri sér að stjórnmálum, fór fyrir friðsamlegri uppreisn í Armeníu í apríl á þessu ári. Með meirihluta á þingi hefur Pashinyan nú tækifæri til að koma á þeim endurbótum á efnahag landsins sem hann hefur lofað, sem og að taka á spillingu.

Kosningaþátttaka var dræm, um 49%, en kosningar í Armeníu hafa lengi vel verið litaðar svikum og atkvæðakaupum. BBC segir íbúa hins vegar vonast til að svo hafi ekki verið að þessu sinni, en alþjóðlegir kosningaeftirlitsmenn fylgdust með ferlinu.

• Blogga um frétt