„Ég hef hlustað á það sem þau sögðu“

Theresa May stóð af sér vantrauststillögu í dag.
Theresa May stóð af sér vantrauststillögu í dag. AFP

Theresa May átti langan og strangan dag í aðdraganda atkvæðagreiðslu um vantrauststillögu sem fram fór í kvöld. Hún fagnar því að Íhaldsflokkurinn beri enn traust til hennar og er þakklát fyrir stuðninginn.

Þrátt fyrir það segir hún fjölda samstarfsfólks hennar ekki bera til hennar traust, en 117 greiddu atkvæði gegn því að þeir styddu May sem leiðtoga flokksins. „Ég hef hlustað á það sem þau sögðu,“ sagði May í ávarpi sínu eftir að niðurstaðan varð ljós.

„Nú þurfum við að halda áfram vinnu að því að skila þjóðinni Brexit og leggja drög að betri framtíð fyrir þetta land. Brexit sem svarar atkvæðunum sem fólk greiddi, sem endurheimtir yfirráð yfir peningunum okkar, landamærunum okkar og lögunum okkar.“

Hún lagði áherslu á að samningurinn myndi sameina þjóðina og að allir stjórnmálamenn kæmu saman með hagsmuni þjóðarinnar í huga.

Hún kvaðst hafa hlustað á þær áhyggjur sem þingið hefur af baktryggingunni á landamærum Norður-Írlands og sagðist á morgun myndu hitta leiðtoga Evrópusambandsins og tryggja lagalegar og pólitískar stoðir baktryggingarinnar.

Þrátt fyrir að Brexit væri stærsta málið um þessar mundir mætti ekki gleyma öðrum mikilvægum verkefnum ríkisstjórnarinnar, að tryggja efnahagslegan stöðugleika og betri lífsskilyrði fyrir íbúa landsins.

„Við skuldum fólkinu sem kaus okkur að setja þarfir þess í forgang.“

mbl.is

Bloggað um fréttina

Eldhússtólar
Til sölu 6 stk eldhússtólar,hvítir á stálfótum Vel útlítandi..Verð kr 2500 stk....
Vatnsaflstúrbínur -Rafalar-Lokar
Útvegum allar stærðir af túrbínum rafölum og lokum fyrir virkjanir. Holt Véla...
Þreyttur á geymslu- ólykt í ferðavagni.
Eyðir flestri ólykt. Ertu búinn að sækja bílinn úr vetrargeymslu, er ólykt í bíl...
Hornstrandabækurnar eru svolítið sérstakar
Einn pakki af Hornstrandabókum var pantaður í morgun. „Ég vona að þú verð...