„Hegðun hennar er full fyrirlitningar“

Jeremy Corbyn, leiðtogi breska Verkamannaflokksins.
Jeremy Corbyn, leiðtogi breska Verkamannaflokksins. AFP

Hart var sótt að Theresu May, forsætisráðherra Bretlands, í hefðbundnum fyrirspurnatíma á breska þinginu í dag. Þing­menn Íhalds­flokks­ins greiða í kvöld at­kvæði um það hvort lýsa eigi yfir van­trausti gegn May og var það ofarlega í huga þingmanna í fyrirspurnatímanum, sem og Brexit og framtíð ríkisstjórnarinnar.

„Tími afsakana er liðinn, það er ekki hægt að flýja núna. Leggið samninginn fyrir þingið og kjósum um hann,“ sagði Jeremy Corbyn, leiðtogi Verkamannaflokksins. Hann sagði hegðun May um að fresta atkvæðagreiðslu um Brexit-samninginn, sem greiða átti atkvæði um í gær, fulla fyrirlitningar, þingið hefði kosið að ræða samninginn í fimm daga og greiða síðan atkvæði um hann. 

Corbyn spurði May einnig hvað hefði komið út úr viðræðum hennar við aðra leiðtoga aðildarríkja Evrópusambandsins í gær og hvort breska þingið myndi greiða atkvæði um Brexit-samninginn fyrir jólafrí. May svaraði ekki beint en sagði að Corbyn væri augljóslega sama um hver niðurstaða viðræðnanna verði þar sem hann myndi hafna hvaða samningi sem ríkisstjórnin legði fram. 

Frétt BBC

mbl.is
Fyrir verslunarmannahelgina !!!
Til sölu 2ja manna tjald. Verð kr 4000. 4 manna tjald Verð kr 10000. Samanbrjót...
Húsaviðgerðir
https://www.husco.is/...
SUMARHÚS - GESTAHÚS - BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...