May hættir fyrir kosningarnar 2022

Theresa May, forsætisráðherra Bretlands, ætlar að hætta sem leiðtogi Íhaldsflokksins fyrir næstu þingkosningar árið 2022. Þetta sagði hún við breska þingmenn er hún leitaði eftir stuðningi þeirra vegna vantrauststillögu í hennar garð.

„Hún sagðist ekki ætla að leiða kosningarnar árið 2022,“ sagði þingmaður Íhaldsflokksins, Alec Shelbrook, við blaðamenn að loknum lokuðum fundi. 

Ráðherrarnir Amber Rudd og Robert Buckland staðfestu ummæli May. „Hún sagði: „Í hjarta mínu langar mig að leiða flokkinn í næstu kosningum,“ og þessi inngangur leiddi til þess að hún sagðist sætta sig við þá staðreynd að það muni ekki gerast, þó svo að hún vildi það ekki,“ sagði Buckland.

Atkvæðagreiðslan vegna vantrauststillögunnar hófst um sexleytið og stendur hún yfir í tvær klukkustundir. Niðurstöðu er að vænta um klukkan 21 í kvöld. Þá kemur í ljós hvort May verður áfram forsætisráðherra Bretlands. 

Fyrr í dag sendi May frá sér yfirlýsingu þar sem hún sagðist ætla að berjast gegn atkvæðagreiðslunni af öllum sínum kröftum. Hún sagði nýj­an for­sæt­is­ráðherra verða annaðhvort að fram­lengja eða hætta við 50. viðauka Lissa­bon-sátt­mál­ans sem fjall­ar um út­göngu úr ESB. Muni slíkt að mati May annaðhvort seinka eða jafn­vel stöðva fyr­ir­hugaða út­göngu Bret­lands úr ESB.

Theresa May, forsætisráðherra Bretlands.
Theresa May, forsætisráðherra Bretlands. AFP
mbl.is
Silfurlituð Toyota Corolla 2005 árg
Nýskoðaður og góður bíll! keyrður 224 þús. Negld vetrardekk og sumardekk í góðu ...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Gullsmári Kópavogi
Til leigu er mjög góð 2 herb.reyklaus þjónustuíbúð fyrir 60 ára og eldri á 7. hæ...
Vantar Trampólín
Viltu lostna við Trampólínið þitt, kem og tek það niður ef vill... upp. 8986033...