Antonio Guterres, framkvæmdastjóri Sameinuðu þjóðanna, kallaði í dag eftir trúverðugri rannsókn á morðinu á blaðamanninum Jamal Khashoggi í sendiráði Sádi-Arabíu í Istanbúl. Sagði hann nauðsynlegt að trúðverðug rannsókn ætti sér stað og að þeir sem væru fundnir sekir myndu sæta refsingu.

Guterres tók fram að hann hefði engar upplýsingar um málið, aðrar en þær sem kæmu fram í fjölmiðlum.

Khashoggi sem var sádi-arabískur ríkisborgari skrifaði pistla fyrir bandaríska blaðið Washington Post þar sem hann hafði meðal annars gagnrýnt stjórnvöld í heimalandinu.

Samkvæmt yfirvöldum í Tyrklandi kom 15 manna teymi frá Sádi-Arabíu til Istanbúl til að myrða Khashoggi. Hafa yfirvöld í Tyrklandi óskað eftir framsali fjölda manns vegna þessa, en Sádí-Arabía hefur neitað því hingað til. Hafa yfirvöld í konungsdæminu hins vegar handtekið 21 einstakling í tengslum við morðið.

Hefur krónprinsinn Mohammed bin Salman ítrekað verið tengdur við skipulag morðsins, en því hefur ítrekað verið neitað af konungdæminu.

Tengdar fréttir

Morðið á Jamal Khashoggi

Krónprinsinn fær friðhelgi í Bandaríkjunum

• Biden skiptir um skoðun á Sádum
• Hendur Bidens „ataðar í blóði“
• Unnusta Khashoggis ætlar að áfrýja
• Segja Frakka hafa farið í mannavillt í handtöku

» Fleiri tengdar fréttir

• Blogga um frétt