Norska lögreglan er nánast sannfærð um að myndband, sem virðist sýna morðið á annarri af skandínavísku vinkonunum sem fundust látnar í Marokkó í vikunni, sé ósvikið. BBC greinir frá.

Lík þeirra Maren Ueland og Louisa Vesterager Jespersen fundust á vinsælu útivistarsvæði í Atlas-fjöllum í Marokkó á mánudag. Fjöldi áverka eftir eggvopn fannst á líkunum og fjórir eru í haldi vegna morðanna.

Frétt af mbl.is

„Grimmilegt og tilgangslaust“

Mennirnir í myndbandinu segja að morðin hafi verið framin til þess að hefna atburða í Sýrlandi og segir lögregla þá hafa birst í mismunandi áróðursmyndskeiðum sem tekin voru áður en morðin voru framin.

Ueland og Jespersen voru háskólanemar á þrítugsaldri og höfðu gert allar ráðstafanir fyrir mánaðarlanga gönguferð í Marokkó að sögn móður annarrar þeirra. Búist er við því að þúsundir Marokkóa votti konunum virðingu sína fyrir utan danska og norska sendiráðið í  Rabat á morgun, laugardag.

Myndbandið sem um ræðir virðist sýna þegar önnur kvennanna er afhöfðuð, og segir norska lögreglan að þó að það þarfnist nánari rannsóknar virðist það raunverulegt.

Tengdar fréttir

Morð í Marokkó

Staðfestu dauðadóm yfir fjórða morðingjanum

• Dæmdir til dauða
• Játar að hafa afhöfðað aðra þeirra
• „Ég sá að hann var breyttur“
• Höfðu ekki efni á að fara til Sýrlands

» Fleiri tengdar fréttir

• Blogga um frétt