Harmar ákvörðun Trump
Setja bókamerki
Emmanuel Macron Frakklandsforseti segir að þjóðir verði að geta treyst bandamönnum sínum. Hann harmar ákvörðun Donalds Trump Bandaríkjaforseta sem tilkynnti í lok síðustu viku að hann ætlaði að kalla allt bandarískt herlið heim frá Sýrlandi.
„Það verður að vera hægt að treysta á bandamenn sína,“ sagði Macron en samkvæmt frétt BBC hringdi hann í Trump til að ráðleggja honum frá áætluninni.
Bandaríkjastjórn segir að tekist hafi að ráða niðurlögum Ríkis íslams en bandamenn þeirra og ýmsir bandarískir stjórnmálamenn efast stórlega um það.
Brett McGurk, sérfræðingur bandarískra stjórnvalda í málefnum Ríkis íslams, sagði í gær upp störfum í kjölfar ákvörðunar Trump um að draga allt bandarískt herlið frá Sýrlandi.
Bandaríski herinn hefur átt herlið í Sýrlandi síðan 2015 en nú eru þar 2.000 hermenn sem verða sendir heim á leið.
Macron hrósaði Jim Mattis, fyrrverandi varnarmálaráðherra Bandaríkjanna, sem sagði af sér á fimmtudag. Mattis sagði að „mikið verk væri óunnið í Sýrlandi.“
Æskuvinur Íslendings myrtur í Noregi
Veiting hvalveiðileyfis ekki brot á EES-samningi
Árshátíð ríkislögreglustjóra haldin í Tékklandi
Gígbarmurinn hækkað frá því í gær
„Það þarf að vinna mikinn fjölda upp“
Vélsleðaslys: Þyrlan kölluð út á mesta forgangi
Eyjafjarðarbraut lokað vegna alvarlegs umferðarslyss