Uppi varð fótur og fit hjá mæðgunum Evu og Cath Mackay þegar upp komst að bangsi fimm ára gömlu Evu var týndur, tveimur dögum fyrir jól. Eva var um borð í lest með móður sinni, Cath, frá Edinborg heim til Glasgow, þegar móðirin fattaði að bangsinn, sem heitir Frankenfurter, var hvergi sjáanlegur.
„Þetta var fyrsta gjöfin sem lífsförunautur minn gaf Evu og þess vegna grétum við báðar mjög mikið,“ segir Cath í samtali við BBC. Hún stofnaði Twitter aðgang í þeim tilgangi að lýsa eftir bangsanum. Hún bjóst ekki við miklum viðbrögðum en annað kom á daginn.
@ScotRail hi there, my daughter lost her teddy, Frankfurter, on the 1630 Edi-Gla train today. Hopefully the power of Twitter can help us find him!! Calling Lost Property tomorrow. #lostteddy #findfrankfurter pic.twitter.com/48Dvu3k0BF
— Cath Mackay (@cathmac1980) December 23, 2018
Emily Russel, 8 ára gömul stúlka, var stödd á lestarstöðinni þennan dag og sá Frankenfurter einan og yfirgefinn á bekk og benti hún móður sinni á hann. Mæðgurnar létu Frankenfurter í hendur starfsfólks á lestarstöðinni og birtu mynd af honum á Twitter.
My first ever tweet @Twitter earlier tonight and it led to my daughter's lost teddy being found #grateful #found #scottishfolkarethebest #scotland #scotrail #happychristmas pic.twitter.com/X5p4XaLDBu
— Cath Mackay (@cathmac1980) December 23, 2018
Lestarstjórarnir í lestinni sem fer á milli Glasgow og Edinborgar fannst ekkert tiltökumál að kippa Frankenfurter með og koma honum til síns heima fyrir jólin.
Afternoon folks, ^AD here until 8pm this evening.
— ScotRail (@ScotRail) December 24, 2018
It was nice to have some company on my journey in to work this afternoon! #FindFrankfurter pic.twitter.com/bKuc1sVTB3
Einstök vinátta hefur auk þess myndast milli mæðgnanna tveggja og hafa þær ákveðið að hittast sem fyrst og eiga góða stund saman og ræða um bangsana sína.