Refur fannst sofandi á örbylgjuofni í húsi í suðvesturhluta Lundúna. Rebbi hafði notað kattalúguna til að komast inn og mölvaði nokkra blómapotta áður en hann bjó sig til svefns í eldhúsinu.

BBC segir húseigandann Kim Fryer, hafa haft samband við bresku dýraverndarsamtökin RSPCA, eftir að dóttir hennar fann refinn í eldhúsinu snemma morguns í desember.

Hún segist hafa áttað sig á ekki var alveg í lagi með refinn. Honum var engu að síður sleppt aftur eftir að dýralæknir var búin að skoða hann.

„Hún kveikti ljósið og hann opnaði annað augað en hreyfði sig ekki,“ segir Fryer sem á fimm ketti og hund. „Nokkrar pottaplöntur voru þá ónýtar og það var mold út um allt.“

Farið var með refinn á dýraspítalann í Putney og hefur BBC eftir talsmanni spítalans að það hafi verið í góðu lagi með hann. „Sem betur fer var hann heilbrigður og með fallegan þéttan feld, þannig að eftir heilsufarsskoðun sleppti einn starfsmanna spítalans honum á ný á svæðinu þar sem hann fannst. Gangi honum vel!“

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

• Blogga um frétt