Rússnesk yfirvöld hafa nú lokið við að reisa tæknivædda landamæragirðingu þvert yfir landamærin sem skilja Krímskagann frá Úkraínu.

BBC segir girðinguna, sem er rúmlega 60 km löng, vera með gaddavír á toppnum og hundruð skynjara sem flestir eiga að nema eiga hreyfingu frá þeim sem reyna að komast yfir í óleyfi. Nokkrir nemanna eru útvarpsskynjarar og er rússneski herinn með svipaða nema á norður og austur landamærum ríkisins.

Rússar hertóku Krímskagann, sem áður tilheyrði Úkraínu í mars 2014 og hlutu fordæmingu alþjóðasamfélagsins fyrir. Meirihluti íbúa Krímskaga er rússneskumælandi.

Rússneska leyniþjónustan FSB segir landamæragirðinga vera nauðsynlega til að koma í veg fyrir „tilraunir skemmdarverkamanna til að laumast þar í gegn“. Hefur rússneska RIA Novoasti fréttaveitan eftir leyniþjónustunni að girðingin muni einnig koma í veg fyrir tilraunir smyglara til að koma yfir ólöglegum vopnum, fíkniefnum, áfengi og annarri bannvöru. 

Nú fyrr í vikunni tilkynnti Petro Porósjenkó, forseti Úkraínu, að búið væri að afnema herlög sem sett voru í kjölfar þess að Rússar her­tóku þrjú úkraínsk her­skip skammt frá Krímskag­an­um í lok síðasta á mánaðar.

Yfirvöld í Úkraínu hafa þó einnig sett upp eigin landamæragirðingar frá því að Rússar innlimuðu Krímskaga og voru m.a. settar upp slíkar girðingar í Chernihiv go Kharkiv héruðum sem eiga landamæri að Rússlandi, sem og í Kherson sem er í nágrenni Krímskagans.

Tengdar fréttir

Úkraína

Pólverjar reiðubúnir að geyma kjarnorkuvopn

• Skiptar skoðanir á aðstoð Bandaríkjamanna
• 61 milljarða dollara aðstoð til Úkraínu samþykkt
• Tveir létust í úkraínskri drónaárás í Rússlandi
• Myndskeið: Segjast hafa skotið niður sprengjuflugvél

» Fleiri tengdar fréttir

• Blogga um frétt