Tyrknesk sjónvarpsstöð hefur sýnt myndefni úr eftirlitsmyndavélum sem sýnir menn bera töskur og poka, sem stöðin segir að innihaldi líkamshluta sádiarabíska blaðamannsins Jamals Khashoggis.

Myndefnið var sýnt á stöðinni seint í gærkvöldi en þar sjást þrír menn bera fimm ferðatöskur og tvo stóra svarta poka inn á heimili ræðismanns Sádi-Arabíu í Istanbúl.

Heimili ræðismannsins er skammt frá ræðismannsskrifstofunni, þar sem Khashoggi var myrtur í októbermánuði. Sjónvarpsstöðin, A-Haber, hefur eftir ónefndum tyrkneskum heimildum að pokarnir og töskurnar hafi innihaldið líkamshluta hans.

Khashoggi, sem var pistlahöfundur fyrir Washington Post, var myrtur 2. október skömmu eftir að hann gekk inn á ræðismannsskrifstofuna.

Tengdar fréttir

Morðið á Jamal Khashoggi

Krónprinsinn fær friðhelgi í Bandaríkjunum

• Biden skiptir um skoðun á Sádum
• Hendur Bidens „ataðar í blóði“
• Unnusta Khashoggis ætlar að áfrýja
• Segja Frakka hafa farið í mannavillt í handtöku

» Fleiri tengdar fréttir

• Blogga um frétt