Persónuupplýsingum þingmanna lekið

Angela Merkel er meðal þeirra sem lentu í netárásinni.
Angela Merkel er meðal þeirra sem lentu í netárásinni. AFP

Persónuupplýsingum hundruða þýskra stjórnmálamanna hefur verið lekið á netið eftir netárás, en upplýsingarnar birtust á Twitter í seinasta mánuði í formi aðventudagatals. Angela Merkel, kanslari Þýskalands, er á meðal þeirra sem urðu fyrir árásinni en gögnum frægra einstaklinga og blaðamanna var einnig lekið. Fréttavefur BBC greinir frá þessu.

Símanúmerum, einkasamtölum og fjárhagsupplýsingum þingmanna úr öllum stjórnmálaflokkum nema hægriflokknum Alternative für Deutschland, AfD, var lekið á Twitter, en þótt gögnin hafi verið birt í seinasta mánuði urðu þýsk stjórnvöld ekki vör við lekann fyrr en í gærkvöld.

Netfang Angelu Merkel og nokkur bréf til hennar og frá henni voru birt á reikningnum. Þá var einkasamtölum Robert Habeck, formanns Græningjaflokksins, lekið ásamt kortaupplýsingum hans. 

Þá var upplýsingum blaðamanna þýsku fréttaveitanna ARD og ZDF lekið auk upplýsinga sjónvarpsmannsins Jan Böhmermanns, rapparans Marteria and rapphópsins K.I.Z.

Ekki vitað um árásarmennina

Óljóst er hver stendur á bak við árásina og ekki er enn komið í ljós hvaða skaða hún kynni að valda en réttindamálaráðherra Þýskalands, Katarina Barley, telur árásina alvarlega. „Fólkið sem stendur á bak við þetta vill skaða trúverðugleikann í okkar lýðræðisríki og á okkar stofnunum,“ segir hún.

Upplýsingaöryggisráðuneyti Þýskalands rannsakar nú árásina og segir að ráðuneytið viti ekki til þess að ríkisstjórnarnetið hafi beðið skaða af árásinni og segir talsmaður ríkisstjórnar Þýskalands að engin viðkvæm gögn frá skrifstofu Merkel hafi verið birt. Netöryggisstofnun í Þýskalandi hélt fund vegna málsins í morgun.

Twitter reikningnum sem birti upplýsingarnar hefur nú verið eytt en 17 þúsund manns fylgdu honum. Svo virtist sem hann hafi haft nettengingu í Hamburg að sögn fréttamanns RBB, Michael Götschenberg, sem hefur rannsakað árásina.

mbl.is
Vatnshitarar fyrir sumarhús.
Ýmsar gerðir af vatnshiturum 3300w til 24000w fyrir sumarhús, þessi búnaður er f...
Infrarauðir Hitalampar fyrir allskyns verki 300w
Stórkostleg jákvæð áhrif á gikt, eykur virkni ýmissa ensíma sem bæta blóðrás og ...
Bílskúr/garðhús - Stapi 15 fm bjálkahús - Tilboð kr. 484.500,-
Stapi er hús sem við höfum hannað sérstaklega fyrir íslenskan markað og reglur. ...
SUMARHÚS- GESTAHÚS- BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...