Semja um staðsetningu næsta fundar
Setja bókamerki
Tengdar fréttir
Norður-Kórea
Donald Trump Bandaríkjaforseti segir samningaviðræður um staðsetningu næsta fundar hans með Kim Jong-un, leiðtoga Norður-Kóreu, vera komnar af stað en kom sér undan því að svara spurningum um tímasetningu fundarins.
Trump og Kim áttu sögulegan fund í júní á síðasta ári, en það var upphafið að því ferli að afkjarnorkuvæða Kóreuskagann. Fram að því höfðu leiðtogarnir skipst á móðgunum og hótunum mánuðum saman. Annar fundur er fyrirhugaður á þessu ári, en Trump hefur fengið á sig gagnrýni vegna þess að Norður-Kórea virðist ekki hafa tekið mörg skref í átt að því að láta af kjarnorkuáætlun sinni.
Trump sagði fjölmiðlamönnum fyrr í vikunni að hann hefði fengið „frábært bréf“ frá leiðtoga Norður-Kóreu en neitaði að gefa upp efnislegt innihald þess.
„Við erum að semja um staðsetningu. Hún verður tilkynnt líklega í ekki of fjarlægri framtíð. Þeir vilja funda og við viljum funda og við sjáum hvað gerist,“ sagði Trump áður en hann fór upp í þyrlu til Camp David í Maryland þar sem hann sagðist ætla að ræða viðskiptasamning við Kína. Hann bætti því við að samtalið við Norður-Kóreu væri mjög jákvætt.
Í nýársávarpi sínu sagði Kim Jong-un að hann væri staðfastur um að standa við kjarnorkuafvæðingu en að sú stefna gæti hæglega breyst ef Bandaríkin halda áfram viðskiptaþvingunum gegn Norður-Kóreu.
Trump sagði í dag að viðskiptaþvinganirnar væru enn „í fullu gildi“ og myndu haldast þannig þangað til Bandaríkin sæju „mjög jákvæðar“ niðurstöður. Þá ítrekaði hann að Bandaríkin væru í stríði í Asíu ef hann hefði ekki átt fund með Kim í júní á síðasta ári.
„Einhver annar en ég og þið væruð í stríði akkúrat núna. Þið hefðuð verið í stóru feitu stríði við Norður-Kóreu í Asíu ef ég hefði ekki verið kjörinn forseti,“ sagði Trump.
Tengdar fréttir
Norður-Kórea
Banna mengandi búnað sem leyfður er á Íslandi
Skar höfuðleðrið af íslenskri konu
Shakespeare fannst í skókassa
Eyjafjarðarbraut lokað vegna alvarlegs umferðarslyss
Veiting hvalveiðileyfis ekki brot á EES-samningi
Vona að Orkustofnun veiti ekki virkjunarleyfi