Trú sagt ruglað saman við vísindi

Albert Einstein nýtur ekki sannmælis vissra indverska vísindamanna. Það líst ...
Albert Einstein nýtur ekki sannmælis vissra indverska vísindamanna. Það líst mönnum ekki á.

Vísindamenn fóru í kerfi á ráðstefnu á Indlandi um helgina er indverskir vísindamenn höfðu uppi orðræðu fulllitaða af kennisetningum trúarbragða, að sumra mati. Skipuleggjendur ráðstefnunnar ávíttu vísindamennina fyrir óvarleg og óvísindaleg ummæli.

Einn indverskur vísindamaður frá háskóla í Tamil Nadu-fylki kvað hafa borið brigður á kenningar Alberts Einstein og Isaac Newton. Rektor eins háskóla á Suður-Indlandi útskýrði þá fyrir gestum hvernig stofnfrumurannsóknir ættu rætur að rekja til fornra hindúa og vísaði til stuðnings máli sínu í trúarrit.

Guardian segir meðal annarra frá þessu.

Haft er eftir dr. KJ Krishnan, þeim sem tjáði sig um Einstein, að aðdráttaraflið sjálft ætti öllu heldur að vera nefnt „Narendra Modi Waves“, í höfuðið á forsætisráðherra Indverja. Jafnframt sagði Krishnan að Newton hefði misskilið ýmislegt við aðdráttaraflið og að kenningar Newton væru á heildina litið misleiðandi.

Þetta var 106. vísindaráðstefnan á vegum stofnunarinnar, Hins indverska vísindaráðs. Það vakti hörð viðbrögð meðal gesta hversu frjálslega þessir menn fóru með trúarlegar vísanir, nokkuð, sem flestum þykir ekki eiga erindi í vísindalega orðræðu.

Þá minnist hið vestræna blað Guardian á að Indverjar eigi langa sögu af því að rengja vestrænar vísindakenningar, nokkuð sem öllu jöfnu leggst ekki vel í Vesturlandabúa að Austurlandabúar taki upp á.

mbl.is

Bloggað um fréttina

INTENSIVE ICELANDIC, ENGLISH, NORWEGIAN & DANISH f. foreigners - ÍSLENSKA f. útlendinga - ENSKA f. fullorðna - NORSKA
ÍSLENSKA, ENSKA, NORSKA, DANSKA I, II, III, IV, V, VI: STARTING DATES 2019: ...
Bækur til sölu
Bækur til sölu Grjótbækur Kjarvals, 3 stk. ib., Old Nordisk Ordbog 1863, Eiríkur...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Citroen c5 station 2008 til sölu
Vel með farin C5 station til sölu .skoðaður 19. nagladekk. óryðgaður. skipti mög...