Mun segja að hættuástand ríki
Setja bókamerki
Donald Trump Bandaríkjaforseti mun í sjónvarpsávarpi sínu í nótt segja þjóð sinni að hættuástand ríki við landamæri Bandaríkjanna og Mexíkó og að Bandaríkjaþing verði að samþykkja smíði múrs á landamærunum til að binda enda á lokun ríkisstofnana en átján dagar eru liðnir síðan þeim var fyrst lokað.
Forsetinn hefur verið duglegur við að gagnrýna andstæðinga sína úr Demókrataflokknum, mestmegnis á Twitter og á blaðamannafundum, vegna tregðu þeirra við að leggja til fjármagn vegna smíði múrsins.
Í nótt mun Trump nýta sér stærsta kynningartækifæri forsetaembættisins, þ.e. formlegt ávarp til þjóðarinnar klukkan 21 að staðartíma eða klukkan 2 í nótt að íslenskum tíma í beinni útsendingu frá forsetaskrifstofu Hvíta hússins.
Mike Pence, varaforseti Bandaríkjanna, sagði við ABC-fréttastofuna að Trump muni tala um „raunverulega mannaúðar- og öryggiskrísu við landamæri okkar í suðri“.
Upplýsingafulltrúi Hvíta hússins vildi ekkert tjá sig um hvort Trump muni lýsa yfir neyðarástandi í landinu. Ef hann gerir það getur hann sniðgengið þingið og fyrirskipað smíði múrsins með því að nota fjármuni sem eru ætlaðir hernum.
Fjárfestingin 115 milljarðar króna
Þrjú og hálft ár fyrir skotárás í Úlfarsárdal
Benda á Samgöngustofu sem bendir út í heim
Markaðurinn hitnar og leiguverð hækkar hratt
Segir óábyrgt að skipta út öllu bankaráðinu
Mikil skjálftavirkni á landinu áhyggjuefni
/frimg/9/40/940831.jpg)
Telur eyðsluna munu rjúka upp úr öllu valdi
Kvikan virðist nú skiptast til helminga