Viðræður við Kína ganga „mjög vel“
Setja bókamerki
Donald Trump Bandaríkjaforseti segir að viðræður Bandaríkjanna og Kína um nýjan viðskiptasamning gangi „mjög vel“. Viðræðurnar hófust í Peking, höfuðborg Kína, í gær og munu þær halda áfram á morgun.
Samningamaður úr bandaríska hópnum sagði að viðræðurnar muni halda áfram á morgun. Þetta eru fyrstu fundirnir sem menn eiga augliti til auglits síðan Trump og Xi Jinping, forseti Kína, samþykktu að gera hlé á tollastríði landanna á fundi í Argentínu 1. desember.
Viðræðurnar munu standa yfir lengur en áætlað var því viðskiptaráðuneyti Kína sagði í síðustu viku að fundað yrði á mánudag og þriðjudag.
„Viðræðurnar við Kína ganga mjög vel!“ skrifaði Trump á Twitter og hafði engu við það að bæta.
The Wall Street Journal greindi frá því í dag að viðræðurnar gengu betur en áður og eru ágreiningsefnin færri.
Banna mengandi búnað sem leyfður er á Íslandi
Krefjast stöðvunar framkvæmda
Telur forsendur fyrir vaxtalækkun
Skiptir miklu meira máli en fólk grunar
Shakespeare fannst í skókassa
Kostnaður meiri en milljón á fermetra
Skar höfuðleðrið af íslenskri konu
Eyjafjarðarbraut lokað vegna alvarlegs umferðarslyss