Ætlar enn að láta Mexíkó borga múrinn

Donald Trump, forseti Bandaríkjanna, segir Mexíkó munu greiða múrinn með ...
Donald Trump, forseti Bandaríkjanna, segir Mexíkó munu greiða múrinn með breytingum á viðskiptasamningum þjóðanna. AFP

Donald Trump Bandaríkjaforseti fullyrti við fréttamenn í heimsókn sinni til landamæra Bandaríkjanna og Mexíkó í dag að Mexíkó muni greiða fyrir múrinn sem hann vill reisa á landamærunum. Trump sagðist hins vegar aldrei hafa haldið því fram að um eingreiðslu væri að ræða.

„Vitaskuld meinti ég aldrei að Mexíkó myndi greiða ávísun,“ sagði Trump og bætti við að Mexíkó myndi með óbeinum hætti fjármagna múrinn með breytingum á viðskiptasamningum þjóðanna. BBC segir minnisblað frá kosningaherferð Trumps hins vegar sýna að hann ætlaði að neyða ríkið til að greiða fyrir múrinn.

Enginn endir er enn í sjónmáli varðandi deilu Trumps og Bandaríkjaþings um fjármögnun múrsins, sem hefur leitt til tímabundinnar lokunar fjölda ríkisstofnana. Hefur Trump neitað að undirrita fjárlög samþykki þingið ekki 5,7 milljarða dollara fjárveitingu fyrir múrinn og hafa 800.000 alríkisstarfsmenn nú verið launalausir í 20 daga.

Hundruð alríkisstarfsmanna, verktaka og stuðningsmanna þeirra komu saman við Hvíta húsið í dag til að mótmæla lokununum.

mbl.is
Vantar gæslu fyrir kisu/kisann?
www.kattholt.is rekur hótel fyrir kisu/kisann. Fullbókað er til 23.7. en hægt er...
Bókalind - antikbókabúð
Erum með fjölbreytta flóru af bókum. Við erum með t.d. orðabækur, matreiðslubæku...
Jema A/S danskar skæralyftur
Við seljum hinar vinsælu skæralyftur frá JEMA . Lyfta 1,2 m og 3 T ,glussadrifn...
Bang & Olufsen hljómtæki til sölu
til sölu um 10 ára gömul Bang og Olufsen hljómtæki. Beosound 4000, Beolab 4000 s...