Fannst á lífi eftir 87 daga

Jayme Closs.
Jayme Closs. Ljósmynd FBI Milwaukee

Þrettán ára gömul stúlka sem hvarf í Wisconsin á sama tíma og foreldrar hennar voru myrtir á heimili fjölskyldunnar er fundin á lífi, að sögn bandarísku alríkislögreglunnar. Boðað hefur verið til blaðamannafundar síðar í dag vegna málsins.

Jayme Closs fannst síðdegis í gær að sögn lögreglu og sá sem er grunaður um að hafa myrt foreldra hennar er í haldi. „Við hétum því að koma Jayme heim og í kvöld efndum við loforðið,“ segir í tilkynningu frá lögreglunni. Nánari upplýsingar verða veittar á blaðamannafundinum sem hefst klukkan 10 að staðartíma, klukkan 16 að íslenskum tíma. 

Í frétt BBC kemur fram að mánudaginn 15. október hafi verið hringt í Neyðarlínuna úr farsíma á heimili fjölskyldunnar. Enginn hafi talað í símann en mikill hávaði heyrðist á bak við. Þegar lögregla kom á vettvang fjórum mínútum síðar var Jayme horfin og enginn á lífi á staðnum. Skotvopnið sem notað var við morðið á James og Denise Closs var einnig horfið.

Á blaðamannafundi nokkrum dögum síðar greindi lögreglan frá því að borist hefðu um 400 ábendingar frá almenningi og stúlkunnar væri leitað en henni hefði verið rænt af heimili sínu snemma á mánudagsmorgninum. Ekki væri vitað hver hefði verið þar að verki en sá væri líklega vopnaður byssu. 

Að sögn lögreglustjórans í Barron-sýslu í Wisconsin er Jayme hjá ættingjum en samkvæmt fréttum fjölmiðla á staðnum var hún fyrst flutt á sjúkrahús til skoðunar. 

Heimildir KSTP útvarpsstöðvarinnar herma að unglingsstúlka hafi leitað til konu sem var úti að ganga með hund sinn í bænum Gordon í Wisconsin og sagt að foreldrar hennar hafi verið myrtir. Lögreglan bar strax kennsl á Jayme og 11 mínútum síðar var maður handtekinn í bænum. 

Frétt

mbl.is
Barnakerra
Til sölu Emmaljunga barnakerra..(Kerruvagn) Vel með farinn.. Tilboð óskast...Sí...
Barnakerra
Til sölu Emmaljunga barnakerra. (Kerruvagn) Vel með farinn. Tilboð óskast...Sím...
Vatnshitarar fyrir sumarhús.
Ýmsar gerðir af vatnshiturum 3300w til 24000w fyrir sumarhús, þessi búnaður er f...
Útsala!!! Kommóða ofl.
Til sölu kommóða 3 skúffú,ljós viðarlit..lítur mjög vel út.. Verð kr 2000. Einn...