Ný ríkisstjórn í Svíþjóð í burðarliðnum
Setja bókamerki
Annie Lööf, formaður Miðflokksins í Svíþjóð, segir að flokkurinn muni styðja Stefan Löfven, leiðtoga Sósíaldemókrataflokksins, sem áframhaldandi forsætisráðherra landsins í nýrri ríkisstjórn.
Þetta kom fram á blaðamannafundi í dag. Allt útlit er fyrir að nýja ríkisstjórnin í landinu verði tveggja flokka stjórn skipuð Sósíaldemókrataflokknum og Umhverfisflokknum sem njóti stuðnings Miðflokksins og Frjálslyndra. Þar með mun margra mánaða stjórnarkreppu ljúka í Svíþjóð.
Miðflokkurinn greiddi atkvæði gegn kjöri Löfven í desember en núna er annað hljóð í strokknum. „Við mælum með því að stjórn flokksins leyfi það að Stefan Löfven verði kjörinn forsætisráðherra í atkvæðagreiðslunni í næstu viku,“ sagði hún.
Sextán blaðsíðna drög að stjórnarsáttmála hafa verið lögð fram af flokkunum.
Kvikan virðist nú skiptast til helminga
Markaðurinn hitnar og leiguverð hækkar hratt
„Þögnin er ærandi“
Innviðir þandir og álagið „gríðarlegt“
Þrjú og hálft ár fyrir skotárás í Úlfarsárdal
Segjast hafa skotið niður langdræga sprengjuvél
Hafa samþykkt kaup fyrir um 9,2 milljarða