Ráðist á borgarstjóra Gdansk

27 ára karlmaður var handtekinn eftir að hafa ráðist á ...
27 ára karlmaður var handtekinn eftir að hafa ráðist á Pawel Adamowicz, borgarstjóra Gdansk, og stungið hann í magann, á góðgerðarsamkomu í borginni í kvöld. AFP

Borgarstjóri pólsku borgarinnar Gdansk, Pawel Adamowicz, varð fyrir stunguárás þegar hann flutti ávarp á sviði á góðgerðarsamkomu í borginni í kvöld. Endurlífgunartilraunum var beitt á staðnum áður en Adamowicz var fluttur á spítala og er hann í lífshættu.

27 ára karlmaður hefur verið handtekinn í tengslum við árásina og er hann með sakaferil á bakinu. Maðurinn var með fjölmiðlapassa sem veitti honum aðgang að sviðinu, að sögn pólskra fjölmiðla. Maðurinn kallaði yfir mannfjöldann að hann hafi verið ranglega hnepptur í fangelsi af síðustu ríkisstjórn, sem leidd var af fyrrverandi flokki borgarstjórans.

Pawel Adamowicz, sem er 53 ára, hefur verið borgarstjóri í ...
Pawel Adamowicz, sem er 53 ára, hefur verið borgarstjóri í Gdansk í 20 ár. Ljósmynd/Twitter

Mörg hundruð manns voru viðstödd þegar árásin átti sér stað og sást borgarstjórinn halda um kviðinn. Ávarp borgarstjórans var hluti af lokaathöfn árlegrar góðgerðarhátíðar þar sem fjármunum er safnað fyrir barnaspítala í borginni.

Adamowicz, sem er 53 ára, hefur verið borgarstjóri í Gdansk í 20 ár. Nafntogaðir stjórnmálamenn, svo sem Mateusz Morawiecki, forsætisráðherra Póllands, og Donald Tusk, forseti leiðtogaráðs Evrópusambandsins, hafa fordæmt árásina á samfélagsmiðlum og senda Adamowicz góðar kveðjur.




mbl.is
Kolaportið sjávarmegin-plötuportið.
Mikið úrval af ýmsum gömlum plötum Low, Pinups, Diamond Dogs, Aladin Sane, o.f...
Leysiboy til sölu.
Leysiboy stóll til sölu kr.17,000,- uppl. 8691204....
Byggingaverktakar - Byggingastjórn - Meistarar - Eignaskiptayfirlýsingar
Byggingaverktakr - Byggingastjórn - Húsasmíðameistari - Eignaskiptayfirlýsingar ...