Borgarstjóri Gdansk látinn

Pawel Adamowicz borgarstjóri Gdansk er látinn eftir hnífstunguárás.
Pawel Adamowicz borgarstjóri Gdansk er látinn eftir hnífstunguárás. AFP

Borgarstjóri Gdansk í Póllandi, Pawel Adamowicz, er látinn. Adamowicz varð fyrir hnífstunguárás á góðgerðarviðburði í gærkvöldi en hann var stunginn í viðurvist hundraða vitna er hann flutti ávarp á samkomunni. BBC greinir frá.

Áður hafði verið greint frá því að Adamowicz væri enn í lífshættu, en hann gekkst undir fimm klukkustunda langa aðgerð í kjölfar árásarinnar.

27 ára karlmaður, sem grunaður er um að hafa staðið að árásinni, hefur verið handtekinn og telur lögregla hann hafa notað fjölmiðlapassa til að fá aðgang að sviðinu.

Pólsk sjónvarpsstöð hefur sýnt myndbandsupptöku af hinum grunaða þar sem hann heldur á vopni og er sagður hrópa: „Adamowicz er dauður.“ Maðurinn, sem nýlega var látinn laus úr fangelsi, fullyrðir að hann hafi sætt pyntingum meðan á fangelsisdvölinni stóð.

Lukasz Szumowski, heilbrigðisráðherra Póllands, staðfesti í samtali við pólska fjölmiðla í dag að Adamowicz hefði látist af sárum sínum. „Við gátum ekki sigrað,“ sagði hann. 

Adamowicz, sem var borinn og barnfæddur Gdansk-búi, hafði verið borgarstjóri í 20 ár.

mbl.is
CASE 580 G Grafa til sölu
Case 580G til sölu á vægu verði 790þús.+vsk ...Ný dekk og mikið endurnýjað af s...
dönsk antik innskotsborð sími 869-2798
dönsk antik innskotsborðinnlögð með rósamunstri í toppástandi á 35,000 kr sími...
Vetur í Biskupstungum...
Eigum laust sumarhús í mars/april í nokkra daga. Hlý og kósí hús með heitum pot...
Mynd eftir Ásgrím Jónsson
Til sölu olíumálverk eftir Ásgrím Jónsson, Húsafell, Uppl. í s. 772-2990 eða á ...