Ljóst að May ætti á brattann að sækja
Setja bókamerki
„Það var ljóst frá því að ESB og Bretar kláruðu þennan samning að það yrði á brattann að sækja fyrir Theresu May. Það hefði komið mjög á óvart hefði samningurinn farið í gegn,“ segir Guðlaugur Þór Þórðarson utanríkisráðherra um tíðindi kvöldsins frá Bretlandi, þar sem Brexit-samningur Theresu May forsætisráðherra var felldur með yfirgæfandi meirihluta atkvæða, 432 gegn 202.
Guðlaugur Þór segir íslensk stjórnvöld búin undir það að Bretland yfirgefi Evrópusambandið í lok mars án samnings, eins og nú virðist líklegt.
„Við höfum gert ráð fyrir margs konar sviðsmyndum. Ein þeirra er að Bretar fari úr ESB án samnings. Þessi niðurstaða kemur okkur ekki í opna skjöldu,“ segir Guðlaugur Þór.
Nánar verður rætt við Guðlaug Þór Þórðarson utanríkisráðherra um Brexit í Morgunblaðinu á morgun.
Vorum kannski ekki bara „hrópandi í eyðimörkinni“
Boðar 17 milljarða hagræðingu á næsta ári
Íslenska ríkið dæmt brotlegt
Danir í áfalli yfir brunanum
Stórbruni í Kaupmannahöfn: Børsen í ljósum logum
Niðurstaða MDE kallar á breytingar
90 milljóna ferð austur: „Hrokinn yfirgengilegur“