Gillibrand tilkynnir forsetaframboð
Setja bókamerki
Öldungadeildarþingmaður Demókrataflokksins, Kirsten Gillibrand, hefur tilkynnt um framboð sitt til forseta Bandaríkjanna. Hún hefur gagnrýnt Donald Trump Bandaríkjaforseta harðlega auk þess sem hún hefur barist fyrir réttindum kvenna, þar á meðal í tengslum við #Metoo-hreyfinguna.
Þetta tilkynnti hún í þætti Stephen Colbert á CBS-sjónvarpsstöðinni.
Næstum 22 mánuðir eru þangað til kosningarnar fara fram árið 2020. Baráttan um Hvíta húsið er engu að síður byrjuð. Demókratarnir Elizabeth Warren og Tulsi Gabbard hafa þegar tilkynnt um framboð sitt, rétt eins og Julian Castro, fyrrverandi borgarstjóri San Antonio, og John Delaney, fyrrverandi þingmaður.
„Ég ætla að bjóða mig fram sem forseta Bandaríkjanna vegna þess að sem ung móðir ætla ég að berjast eins mikið fyrir börnum annarra og ég myndi berjast fyrir mínu eigin og þess vegna tel ég að heilbrigðisþjónusta eigi að vera sjálfsagður réttur fólks en ekki forréttindi,“ sagði Gillibrand, sem er 52 ára frá New York.
Á meðal stefnumála hennar verður jafnrétti kynjanna, barátta gegn kynþáttafordómum, að takast á við valdakerfið í Washington og að berjast gegn „spillingu og græðgi“.
„Ég veit að ég hef samúðina, hugrekkið og þá miklu ákveðni til að láta verða af þessu,“ bætti hún við.
Gillibrand krafðist þess á sínum tíma að Trump segði af sér vegna ásakana um kynferðislega áreitni og misnotkun.
Aukin tíðni þungunarrofa hjá yngsta aldurshópnum
Markaðurinn hitnar og leiguverð hækkar hratt
Þrjú og hálft ár fyrir skotárás í Úlfarsárdal
Innviðir þandir og álagið „gríðarlegt“
„Menn eru bara búnir að forgangsraða“
/frimg/9/40/940831.jpg)
Telur eyðsluna munu rjúka upp úr öllu valdi
Benda á Samgöngustofu sem bendir út í heim