Sá grunsamlegan bíl daginn sem Hagen hvarf

Heimili hjónanna Tom Hagen og Anne-Elisabeth Falkevik Hagen. Bíll sást ...
Heimili hjónanna Tom Hagen og Anne-Elisabeth Falkevik Hagen. Bíll sást aka að húsinu morguninn sem hún hvarf. AFP

Nágranni Hagen-hjónanna sá grunsamlegan bíl á ferð morguninn sem Anne-Elisabeth Hagen var rænt. Frá þessu greinir norska dagblaðið Verdens Gang og segir nágrannann hafa látið lögreglu vita.

„Ég var að fara út í morgungöngu með tíkina mína þegar það kom bíll akandi fram hjá íbúðablokkinni. Það er ekki óvenjulegt í sjálfu sér, en þeir stöðva venjulega við enda blokkarinnar þar sem vegurinn endar,“ sagði nágranninn. „Í þessu tilfelli ók bíllinn hins vegar áfram yfir grasflötina og yfir á malarstíg sem liggur að heimili Hagen-hjónanna.“

Bílnum, sem var silfurgrár jepplingur á norskum númerum, var þá ekið nokkuð hratt miðað við aðstæður. Nágranninn sá hins vegar hvorki bílstjórann, né hve margir voru í bílnum.

Hann heldur dagbók í tengslum við vinnu sína og er því nokkuð öruggur um að hafa séð bílinn milli hálfníu og hálfellefu að morgni 31. október, en lögregla hefur sagt Hagen hafa verið tekna einhvern tímann á tímabilinu 9.15 til 13.30 þann dag.

Eng­ar vís­bend­ing­ar hafa komið fram um hvar hana er að finna og enn hefur ekki tekist að bera kennsl á tvo menn sem sjást í upptöku úr eftirlitsmyndavél fyrir utan skrif­stofu Toms Hagen, eig­in­manns Anne-Elisa­beth.

Lögreglu hafa þó borist tæplega þúsund ábendingar um einstaklinga, mögulega staði þar sem mannræningjarnir kunni að hafa Hagen í haldi og ýmsar aðrar athugasemdir.

mbl.is
Vantar gæslu fyrir kisu/kisann?
www.kattholt.is rekur hótel fyrir kisu/kisann. kattholt@kattholt.is // s;567 ...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
Vantar Trampólín
Viltu selja eða bara lostna við Trampólínið þitt, kem og tek það niður ef vill.....