Donald Trump Bandaríkjaforseti og Kim Jong-un, leiðtogi Norður-Kóreu, hittast í lok næsta mánaðar þar sem þeir munu ræða kjarnorkuafvopnun á Kóreuskaga. Hvíta húsið greindi frá því undir kvöld.
Fundur leiðtoganna var ákveðinn eftir að Trump hitti Kim Yong-chol, aðstoðarmann norður-kóreska leiðtogans, í Hvíta húsinu í dag. Áður fundaði Kim Young-chol með varaforseta Bandaríkjanna, Mike Pompeo.
Lítið hefur þokast í átt til kjarnorkuafvopnunar á Kóreuskaga síðan Trump og Kim funduðu í Singapúr síðasta sumar. Ekki er ákveðið hvar fundurinn í febrúar verður haldinn en einhverjir fjölmiðlar telja að hann verði í Víetnam.
Norður-kóreski aðstoðarmaðurinn er sagður hafa komið með bréf frá Kim sem hann afhenti Trump. Ekki er vitað hvað í því stóð en þar er talið að grunnurinn hafi verið lagður að öðrum leiðtogafundi þeirra.