Theresa May, forsætisráðherra Bretlands, ræddi við leiðtoga Evrópusambandsins símleiðis í dag um næstu skref varðandi útgöngu landsins úr sambandinu.

Fram kemur í frétt AFP að May hafi rætt við bæði Donald Tusk, forseta leiðtogaráðs Evrópusambandsins, og Jean-Claude Juncker, forseta framkvæmdastjórnar sambandsins, en áður hafi hún verið í sambandi við þá með textaskilaboðum frá því að útgöngusamningi hennar var hafnað af neðri deild breska þingsins á þriðjudag.

Haft er eftir talsmanni Junckers að leiðtogarnir hafi skipst á upplýsingum og ákveðið að vera áfram í sambandi. Fulltrúar Evrópusambandsins hafa til þessa hafnað því ítrekað að til greina komi að semja upp á nýtt um útgöngusamninginn.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt