Rússneskar orrustuþotur rákust saman

Rússnesk orrustuþota af gerðinni Su-34.
Rússnesk orrustuþota af gerðinni Su-34. Ljósmynd/Wikipedia.org

Tvær rússneskar orrustuþotur af gerðinni Su-34 lentu í árekstri yfir Japanshafi á æfingaflugi í morgun. Flugmönnunum tókst að skjóta sér út úr þotunum áður en þær rákust saman.

Fram kemur í frétt AFP að orrustuþoturnar hafi rekist á hvor aðra um 35 kílómetra frá strönd Rússlands samkvæmt upplýsingum frá rússneska varnarmálaráðuneytinu.

Flugmönnunum var skömmu eftir áreksturinn bjargað úr sjónum, en nokkur skip rússneska flotans voru send til þess að bjarga þeim auk leitarflugvélar.

mbl.is