Slökkt á netinu í Simbabve

Hálfgerð óöld hefur ríkt víða í Simbave í vikunni, eftir ...
Hálfgerð óöld hefur ríkt víða í Simbave í vikunni, eftir að stjórnvöld hækkuðu álögur á eldsneyti síðustu helgi. AFP

Stjórnvöld í Simbabve hafa algjörlega lokað fyrir aðgang landsmanna að netinu, samkvæmt því sem Econet, eitt stærsta fjarskiptafyrirtæki landsins, segir fjölmiðlum og viðskiptavinum með SMS-skilaboðum.

Mótmæli hafa staðið yfir í Simbabve í vikunni, eftir að stjórnvöld tvöfölduðu bensínsverðið í landinu með einu pennastriki síðustu helgi, til þess að bregðast við eldsneytisskorti, en einnig er skortur á mat og lyfjum í ríkinu. Stéttarfélög lýstu yfir allsherjarverkfalli strax á mánudag, og síðan hefur verið róstusamt í helstu bæjum og borgum.

Yfir 600 manns hafa verið handteknir af öryggissveitum yfirvalda, samkvæmt frétt AFP. Þá hefur verið greint frá því að þó nokkrir mótmælendur hafi látist í átökum við öryggissveitir stjórnvalda í vikunni.

Bandaríkin, Bretland og Evrópusambandið hafa gagnrýnt aðgerðir stjórnvalda gagnvart mótmælendum. Sendiráð Bandaríkjanna í Harare segist í yfirlýsingu uggandi yfir trúanlegum tíðindum þess efnis að öryggissveitir séu að berja pólitískt baráttufólk og verkalýðsleiðtoga.

Menn safna brotajárni úr brenndum bíl í borginni Bulawayo í ...
Menn safna brotajárni úr brenndum bíl í borginni Bulawayo í gærdag. AFP
Óeirðir hafa brotist út í ríkinu í vikunni og skemmdir ...
Óeirðir hafa brotist út í ríkinu í vikunni og skemmdir verið unnar víða, eins og á þessum verslunarkjarna í Bulawayo. AFP
mbl.is
Vantar Trampólín
Viltu selja eða bara lostna við Trampólínið þitt, kem og tek það niður ef vill.....
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Húsaviðgerðir
https://www.husco.is...
Volvo V70 1998 CROSS COUNTRY 4X4
Prútta ekki neitt með þetta verð. þarf að skipta um eina legu. xenon ljós. er á ...