Er líkið af Ole Geir Hodne?

mbl.is/Atli Steinn Guðmundsson

Ole Geir Hodne hefur verið saknað frá því fyrir þremur og hálfu ári. Nú hefur debetkortið hans fundust og það á líki. 

Líkt og fram kom í frétt mbl.is í gær fundu iðnaðar­menn lík í yf­ir­gefnu húsi á fimmtu­dag­inn í miðbæ Sand­ness Rogalandi. Þar kom fram að húsið var notað und­ir kennslu á árum áður en hef­ur nú staðið autt frá 2010 og verið haft sem geymslu­hús­næði. Stend­ur  til að gera það upp sem nýja heilsu­gæslu bæj­ar­ins en sveit­ar­fé­lagið er eig­andi húss­ins.

Iðnaðar­menn­irn­ir höfðu verið að störf­um frá því skömmu eft­ir ára­mót og höfðu tekið til við að rífa ýmsa innviði húss­ins til að búa það und­ir nýtt hlut­verk. Það var þá sem þeir fundu líkið, sem er af karl­manni og hef­ur að öll­um lík­ind­um verið í hús­inu árum sam­an miðað við ástand þess og staðsetn­ingu, sagði í frétt mbl.is í gær. 

Lög­regl­an í suðvest­urum­dæm­inu í Nor­egi staðfesti að persónuskilríki hefðu fundist á þeim látna en vildi ekki veita frekari upplýsingar um skilríkin og eiganda þeirra.

Í morgun greinir norska ríkisútvarpið frá því að debetkortið tilheyri Ole Geir Hodne Viste og það hafi fundist í fatnaði þess látna. Fjölskyldu hans hefur verið greint frá þessu. Kortið var síðast notað 16. júní 2015. Vitni segjast hafa hitt Hodne Viste daginn eftir í Sandnes. Hodne Viste var 36 ára gamall þegar hann hvarf sporlaust.

Ole Geir Hodne hvarf sporlaust í júní 2015.
Ole Geir Hodne hvarf sporlaust í júní 2015. Skjáskot af Facebook-síðu TV2

Lone Wickstrøm, sem stýrir mannhvarfsdeild lögreglunnar, segir að ekki hafi verið staðfest hver sá látnir er en beðið er niðurstöðu frá réttarmeinasérfræðingum. Ekki er vitað hvort um saknæmt athæfi er að ræða eða óhapp.

Í sjónvarpsþætti á TV2 átta mánuðum eftir hvarf Hodne Viste kom fram að talið væri að hann hafi ekki látið sig hverfa af sjálfsdáðum en ekki væri vitað hvort ástæðan væri saknæm eða óhapp. Í þættinum var rætt við lögreglumann í Stavanger, Alf Kåre Sola, sem kom að leitinni.

Debetkortið var síðast notað 16. júní 2015 en þá tók Hodne Viste út 6.800 krónur úr hraðbanka við 7-Eleven við Jernbaneveien í miðborg Stavanger klukkan 15:45. Sjö og hálfum tíma síðar var kortið notað í síðasta skiptið en þá var það til þess að greiða fyrir leigu á skáp á járnbrautarstöðinni, nokkur hundruð metra frá 7-Eleven. Í skápnum fann lögregla bakpoka hans, tjald og svefnpoka. Aðfaranótt 17. júní telur lögregla að Hodne Viste hafi verið í íbúð á Storhaug í Stavanger. Seinna þann sama dag segja tvö vitni að þau hafi séð hann í Sandnes milli klukkan 12 og 15.

Í þættinum á TV2 sagði Alf Kåre Sola að lögreglan hefði, á þeim átta mánuðum sem liðnir væru frá hvarfi hans, yfirheyrt 45 manns.

Lone Wickstrøm, avsnittsleder på personseksjonen i Sør-Vest politidistrikt
mbl.is
Gefins - áttu klink sem þú mátt missa?
Kattholt þiggur með þökkum smámynt (hvaðan sem er). Þetta fer til að fjármagna...
Til sölu blár Nissan Leaf.
2016 árgerð, ekinn 26 þús. sem nýr. 30 Kw. hraðhleðsla, vetrar/sumardekk, ljós i...
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...
Bókalind - antikbókabúð
Höfum á boðstólnum fjölbreytta flóru af bókum. Við erum með t.d. orðabækur, matr...