Bandaríkin hafa óskað eftir því að öryggisráð Sameinuðu þjóðanna komi saman vegna yfirvofandi stjórnmálakrísu í Venesúela.

Bandarísk yfirvöld styðja Juan Guaido, þingforseta Venesúela og leiðtoga stjórnarandstöðunnar, sem lýsti sig starfandi forseta á miðvikudag. Guaido hefur mætt andstöðu hersins og hefur Nicolas Maduro, for­seti Venesúela, til­kynnt að sendi­ráði og ræðismanns­skrif­stof­um Venesúela í Banda­ríkj­un­um verði lokað.

Lagt er til að ráðið komi saman á morgun, laugardag, klukkan 14 að íslenskum tíma. Búist er við því að Mike Pompeo, utanríkisráðherra Bandaríkjanna, verði viðstaddur fundinn, en hann segir stjórn Maduro ólögmæta.

Guaido lýsti sig starfandi forseta í miðjum mótmælum gegn Maduro og hafa mótmælin haldið áfram síðan og hafa tugir þúsunda komið saman í stærstu borgum Venesúela. Í höfuðborginni Caracas brutust út átök milli mótmælenda og öryggislögreglu og köstuðu mótmælendur grjóti að lögreglu sem beitti táragasi og gúmmíkúlum. Talið er að 26 hafi látið lífið í mótmælum undanfarna daga.

Juan Guaido (t.v.), leiðtogi stjórnarandstöðunna, lýsti sig starfandi forseta á miðvikudag. Nicolas Maduro (t.h.) hefur gegnt forsetaembættinu frá 2013. AFP

Tengdar fréttir

Venesúela

Íbúar Venesúela flýja til Kólumbíu

• Skrá sig á Only Fans til að létta róðurinn
• Deilan um gullforða Venesúela heldur áfram
• Rétta yfir bandarískum „málaliðum“
• „Valdaránið“ tengist ekki Bandaríkjastjórn

» Fleiri tengdar fréttir

• Blogga um frétt