Óttast að önnur stífla muni bresta

Viðvörunarbjöllur fóru í gang snemma í morgun í Brumadinho í Brasilíu og gáfu til kynna að stífla við námuvinnslu á staðnum gæti brostið, en þetta er sama svæði og önnur stífla brast á fyrir helgi með þeim afleiðingum að 34 létust og 300 er saknað.

Frétt af mbl.is

34 látnir og 300 saknað í Brasilíu

Talsmenn slökkviliðsins og námufyrirtækisins greindu frá þessu. 

Viðvörunarkerfið fór í gang kl. 5:30 að staðartíma í morgun (kl. 7:30 að íslenskum tíma) en það gerist þegar vatnshæðin er orðin hættulega mikil. Stíflan er hluti af námuvinnslusvæðinu Corrego do Feijao. Þetta kemur fram í yfirlýsingu frá námuvinnslufyrirtækinu Vale.

Slökkviliðsmenn segja að unnið sé að því að rýma nærliggjandi svæði. 

Á föstudag brast önnur stífla með þeim afleiðingum að fleiri milljónir tonna af aur og leðju fóru yfir stórt svæði og hrifu með sér bæði byggingar og íbúa. 

• Blogga um frétt