Trump segir Coats að setjast á skólabekk
Setja bókamerki
Tengdar fréttir
Norður-Kórea
Njósnastofnanir Bandaríkjanna eru að mati Donald Trump Bandaríkjaforseta „barnalegar“ og hafa rangt fyrir sér varðandi mat sitt á hverskonar hættu Bandaríkjunum stafi af Íran.
„Varist Íran. Kannski njósnastofnanirnar þurfi að setjast aftur á skólabekk,“ skrifaði forsetinn á uppáhaldssamfélagsmiðli sínum Twitter.
Orðin lét Trump falla eftir að gefin var út skýrsla bandarískra njósnastofnana þar sem fram kemur að Íranar séu ekki að framleiða kjarnavopn. Þá segir einnig í skýrslunni að ráðamenn í Norður-Kóreu séu ólíklegir til að láta alfarið af hendi vopnabirgðir sínar eða hæfni til að framleiða kjarnorkuvopn.
Dan Coats, yfirmaður bandarísku leyniþjónustustofnananna, kynnti skýrsluna fyrir njósnanefnd öldungadeildar Bandaríkjaþings í gær.
Bandaríkin sögðu sig í fyrra frá alþjóðlegu kjarnorkusamkomulagi við Íran, sem undirritað var 2015 og sættu mikilla gagnrýni alþjóðasamfélagsins fyrir. Þá hefur Trump undanfarin misseri lagt vinnu í að bæta samskiptin við Norður-Kóreu og átti m.a. fund með Kim Jong-un, leiðtoga Norður-Kóreu, í Singapúr í sumar til að ræða afvopnavæðingu kjarnavopna á Kóreuskaga. Fullyrti Trump að fundi loknum að með honum hefði verið bundinn endi á kjarnavopnaógnina í Norður-Kóreu.
Tengdar fréttir
Norður-Kórea
„Hefur smám saman verið að lagast“
Íslenska ríkið dæmt brotlegt
Stórbruni í Kaupmannahöfn: Børsen í ljósum logum
Gleymir seint deginum sem skriðurnar féllu
Íranar hafi vísvitandi gætt hófs