Fyrstu flutningabílarnir hlaðnir hjálpargögnum frá Bandaríkjunum komu að landamærum Venesúela í gærkvöldi. Bílarnir eru hins vegar fastir í kólumbísku landamæraborginni Cúcuta.

Nicolas Maduro, forseti Venesúela, harðneitar allri aðstoð frá Bandaríkjunum og segir hana greiða leið Bandaríkjastjórnar til að steypa honum af stóli. Herinn er enn á hans bandi og því er flutningabílunum, sem lagt er nálægt Tienditas-brúnni, ekki hleypt yfir hana þar sem venesúelskir hermenn standa vörð um brúna.

Frétt af mbl.is

Loka á komu hjálpargagna til Venesúela

Juan Guaidó, leiðtogi stjórn­ar­and­stöðu Venesúela sem skipaði sjálf­an sig í síðasta mánuði for­seta til bráðabirgða, óskaði eft­ir aðstoðinni.Yfir 40 ríki, þar á meðal Bandaríkin og flest ríki Suður-Ameríku og Evrópu, hafa lýst yfir stuðningi við Guaidó.

Leiðtogar fimm ríkja Suðu-Ameríku og átta ríkja Evrópusambandsins hafa tekið að sér að leita friðsamlegrar lausnar á stjórnmálaástandinu í Venesúela í gegnum samningaviðræður. Maduro hefur hafnað kröfu ESB um kosningar en segist vera tilbúinn að funda með leiðtogum ríkjanna. Á sama tíma er Guaidó reiðubúinn að boða til kosninga, en óljóst er hvort hann hafi það umboð, en hann neitar að mæta á fund ríkjanna.

Tengdar fréttir

Venesúela

Íbúar Venesúela flýja til Kólumbíu

• Skrá sig á Only Fans til að létta róðurinn
• Deilan um gullforða Venesúela heldur áfram
• Rétta yfir bandarískum „málaliðum“
• „Valdaránið“ tengist ekki Bandaríkjastjórn

» Fleiri tengdar fréttir

• Blogga um frétt