Nýtt tjákn (e. emoji) sem líkist blóðdropa og á að tákna tíðablæðingar hefur vakið athygli, en það voru samtökin Plan International UK sem börðust fyrir nýja tjákninu með það að sjónarmiði að draga úr skömm í kringum blæðingar.
Guardian greinir frá því að samtökin hafi hafið vinnu við gerð tjáknsins árið 2017 eftir að könnun leiddi í ljós að 48% stúlkna og kvenna á aldrinum 14 til 21 árs í Bretlandi fundu fyrir skömm í tengslum við blæðingar.
„Við endum skömmina um blæðingar með því að tala um þær,“ segir Lucy Russel, yfirmaður réttinda stúlkna og ungmenna hjá Plan International UK.
Samtökin stóðu fyrir kosningu um hönnun tjáknsins, en fimm möguleikar komu til greina. Þar á meðal voru dömubindi, tíðadagatal, brosandi blóðdropar og leg. Það var hins vegar tjákn af hvítum nærbuxum með blóðdropum sem hlaut flest atkvæði. Það fór þó ekki svo að nærbuxnatjáknið yrði að veruleika, en Unicode Consortium, sem sér og setur reglur um tjákn, hafnaði tjákninu.
Svo fór að lokum að samtökin fóru í samstarf við blóð- og ígræðsludeild breska heilbrigðiskerfisins NSH og létu gera blóðdropatjákn.
Unicode Consortium hefur enn ekki opinberað ástæður þess að túrnærbuxnatjákninu var hafnað og svaraði ekki fyrirspurn Guardian um málið.
Fjöldi aðgerðasinna og heilbrigðisstarfsmanna hefur fagnað tjákninu og sagt það byltingarkennt, en mörgum finnst málamiðlunartjáknið ekki nægilega framsækið og spyrja hvers vegna túrtjákn þyki meira óviðeigandi en kúkatjákn.
We are thrilled to announce that we are actually getting a #PeriodEmoji!
— PlanInternational UK (@PlanUK) 6 February 2019
It is through your support that we can now celebrate that the @unicode have announced that we will get our first ever #PeriodEmoji in March 2019 🎊
Find out more here ▶https://t.co/dKd4WwEShX pic.twitter.com/CdyG5fapAx