Dómsátt vegna þvottavéla sem „sprungu“

Samsung Electronics hefur gert dómsátt vegna þvottavéla sem áttu það til að „springa“ en um hópsmálsókn gegn fyrirtækinu var að ræða.

Þvottavélar frá Samsung voru innkallaðar í Bandaríkjunum árið 2016 eftir að fréttir bárust af því að lok þvottavélanna gæti dottið af þeim án nokkurs fyrirvara þegar þær voru í notkun. Var ákveðið að innkalla þvottavélarnar vegna hættu á meiðslum. Í málssókninni kemur fram að einhverjar þvottavélanna hafi „sprungið“.

Samkomulagið felur í sér að Samsung greiðir 2,8 milljónir Bandaríkjadala alls til þeirra sem tóku þátt í málssókninni. Tekið er fram að töluvert sé síðan þvottavélarnar voru teknar af markaði. 

Uppfært: Samkvæmt upplýsingum frá ELKO, sem meðal annars selur Samsung þvottavélar, voru umræddar þvottavélar ekki seldar hér á landi.

• Blogga um frétt